Ändlich, ändlich, ändlich und noch joorelangem Proobe het dr Michel dä Pokal dörfe heime näh! Härzligi Gratulation!
Probeweekend 2023
S'letschte Mol im Domino z'Lungere. Drno sueche mir e neys Lokal, wo mir
im Novämber dörfe es Wuchenänd an unsere musikalische Fähigkeite
schlyffe.
Fasnacht 2023
Doo gitts kei Wort z'verliere. Es isch eifach schön gsi!
Probeweekend 2022
Mitere Schreckensnochricht sin mir ins Probeweekend gstartet. S'Huus
stoht nur no e Joor, was bedütet, mir sin zum zweitletschte Mol in
Lungere
z'Gascht gsi. S'isch schad, aber wohr. Trotzdäm sin
mir vorwärts koh.
Herrebummel 2022
Mitere Füehrig zum Thema "StreetArt" sin mir dur Basel gschländeret und
hän viel Neus entdeckt. Usgrüschtet mit allem wos bruucht, hän mir
d'Fägikultur lo hoch läbe. E Fotiapparat hets für
das nid bruucht, und e so sin am Schluss au keini Foti vo däm
grandiose Daag entstande.
Fasnacht 2022
In neue Stamm sin mir kurz vor dr Fasnacht züglet. Das het unsere Wirt,
dr Marc, in d'Finger gnoh. Im neue Stamm hän mir uns denn au grad troffe
und sin wie gwohnt an d Fasnacht gange. Ufem
Claraplatz hän mir aber au unser 40-jöörigs Bestoh gfiirt und für
das e eigens kreierti Renovations-Urkunde unterschribe. Wär die will
bestuune, ka das glyy nach dr Fasnacht im Restaurant
Klybeck-Casino mache. Dört wänn mir die nämlig denn ufhängge, sobald
mir dr richtigi Rahme drfyyr gfunde hän.
Probeweekend 2021
Was isch syt em letschtjöörige Probeweekend passiert? Es Probeweekend!
Zwar nid spektakulär, aber nid minder erfrüschend. Schön, das das het
dörfe stattfinde.
Probeweekend 2020
Wikingerbummel 2020
Von Odin liess sich die Horde leiten, wildfremde Gewässer zu befahren,
im Wettstreit die Besten der Besten unter den Rohlingen zu finden und
schliesslich wohlverdient im Fjordwasser zu schwitzen.
Möge Thors Zorn euch verfehlen! Es war ein gelungener Tag. Walhalla!
Fasnacht 2020
Herrebummel 2019
Unterem Motto 'Werner Beinhart' hän mir uns adäquat usgrüschtet zunere
2-tägige Töfftour ufgmacht. Zerscht sin mir dur dr Schwarzwald tuckeret
und hän bim schönschte Töffwätter dr König für eusi
bald planti Korsikareis userkore. Die ewigi Prömpelmeischterschaft
het uns denn au begleitet bis an Rhyy, wo mir uf sinere Mittelinsle
zwüsche de zwei grosse Noochbere hän unseri Zält
ufgschlage.
S Fescht vom 14. juillet a sym Voroobe in dr nööch glägene
Feschtigsstadt Neuf-Brisach hän mir denn, vom userkorene König
beuftreit, bsuecht und dr Oobe lo usklinge.
Dr Daag druff, hän mir dr Pnö lo tschäddere für wider heimeszue. Dr
allererschti Zweitägerherrebummel isch dodrmit in d'Gschicht ihgange.
Fasnacht 2019
Klausekegle 2018
S'disjöhrige Klausekegle het wider im Ruchfäld stattgfunde. Unterem
Motto "Dismol gwinnt nid dr Stephan" hän sich alli Beteiligte meh oder
minder müeh gäh, dr Pokal heim z'due. Nach dem grosse
Gfächt isches denn offiziell worde, und s'Motto het könne bestätigt
wärde.
Probeweekend 2018
Um e Mol e anders Probe-Wuchenändi z'erlääbe, hän mir uns vorgnoh, ei Mol in dr Fägi-Gschicht zu däm Event uf Köln z'fahre wo am elftenelfte am elfabelfi stattfindet.
Fasnacht 2018
Ändlich Fasnacht!
Probeweekend 2017
Klauekegle 2017
Wie all Joor, hän mir um dr Klaus umme unsers traditionelle Klausekegle abghalte. Dr Pokal het noch däm schweisstriibende Turnier dr Stephan dörfe mit heime neh. Drfür dörf är im neggeschte Joor denn entscheide, wo mir um Ruhm und Ehr das Turnier wider ustrage.
Herrenbummel 2015
Unter de Umständ vonere Zytreis sin mir ritterlich de Brüüch vo vergangene Zyte nochegange...
Probeweeekend 2014
Herrenbummel 2014
Verkleidet unterem Motto "Catch me, if you can" hän mir enand verfolgt und am Änd vo dem grandiose Daag die Verantwortliche
